​Abu Ali ibn Sino nomidagi Buxoro davlat tibbiyot institutida fevral oyida o‘tkazilgan “Morfologiya va jarrohlik” mavzusidagi xalqaro talabalar olimpiadasi urologiya kafedrasi jamoasi uchun g‘alabalarga boy bo‘ldi. ​Mazkur nufuzli bellashuvda universitetimiz sharafini himoya qilgan talabalarimiz nazariy bilimlar va jarrohlik amaliyoti yo‘nalishlarida o‘z mahoratlarini yuksak darajada namoyish etishdi. Kuchli raqobat ostida kechgan bahslar natijasiga ko‘ra, jamoamiz faxrli 2-o‘rinni qo‘lga kiritdi. ​Kafedramiz nomidan ushbu muvaffaqiyat bilan barcha jamoa a’zolarini tabriklaymiz! Tibbiyot sohasidagi bilimlarni egallashda va jarrohlik mahoratini oshirishda charchamasliklarini tilaymiz. ​Yosh urologlarimizga kelgusi ilmiy va amaliy faoliyatlarida hamisha omad va yangi zafarlar yor bo‘lsin!